هام لكل زملكاوى

بعد ما هدينا وفات كام يوم علي مباراة القمة تعالو نفكر بعقل
ومنضيعش الفرصة من ادينا دلوقتي 5اسابيع فاتو من الدوري
الفرق بينا وبني الاهلي نقطتين الزمالك فقد 6نقاط من فرق المقدمة ومنافسيه التقليدين
الاهلي والاسماعيلي الاهلي فقد 4نقاط من المصري والمقاولين
ومباراة الجيش مهمة جدا وهي مباراة مفترق الطرق ومباراة حاسمة
لان الجيش السنة دي قوي والدليل انو مخسرش ولا مباراة في ال5 الي لعبهم
المباراة حاسمة للزمالك الموسم دة

يمكن الهزيمة من الاهلي صدمة لينا عشان كنا متوقعين فوز الزمالك
لكن يا جماعة البطولة في اولها احنا هنبدء من اول
وجديد في مطش الجيش قدامنا 25اسبوع والاهلي كدا كدا هيقع بالزات في الدور الاول
والاهلي متوقع انو يقع في اي مباراة حتي لو ضعيفة
يا جماعة والله العظيم لو كسبنا كل مباريتنا باذن الله لنكسب الدوري حتي لو خسرنا من الاهلي
الدور التاني الزمالك السنة دي مش زي كل سنة المطشات السهلة بيستهيفوها وميعملوهاش حاسب
لا الزمالك بيركز في المطشات السهلةو قبل الصعبة
وهديكو مثال للناس المتشائمة الدوري الانجليزي السنة الي فاتت مانشستر خسر من ارسنال
رايح جاي وكسب الدوري وارسنال مع انو كسب بطل الدوري بس منافسش اساسا علي الدوري
مش عشان هزيمة نضيع كل شئ والله العظيم لسا دوري جديد 25اسبوع بحالهم
الله اعلم ممكن يحصل اية فيهم المهم فرصتنا كبيرة اوي اقرب مباراة الاهلي والاسماعيلي في الاسبوع السابع وفي اسماعلية لو قلنا هيتعادلو هنتساوي مع الاهلي في الرصيد

ارجوكم يا جمهور الزمالك ساندو الزمالك وبطلو تشائم ومتخلوش الدنيا تسود في عنين الجمهور كلو
متخلوش الاهلي بطل الدوري قبل 25اسبوع
يا جماعة المخططات القذرة بدئت عشان يخلو جمهور الزمالك يبعد عن الفريق ويشوف كل حاجة سودا

شوفو الاخبار الي بعد مطش القمة وهتعرفو ان كلامي صح
1- الزمالك هيعرض طارق السيد وخالد سعد للبيع (ازاي نبيع 2باكات شمال في وقت واحد)
2- المجلس هيشطب مرتضي (عشان الجمهور يهتم بمواضيع مرتضي وعباس وخصوصا لما يخرج مرتضي وينسو الزمالك ونقع في دوامة المشاكل تاني)

3-احمد مجدي طلب من كرول يلعب ديفندر وكرول وافق
احمد مجدي طلب من كرول يلعب ديفندر وميلعبش باك شمال وكرول رفض

4-الاهلي هيتعاقد مع ابراهيم سعيد واحمد حسن ندرلخت وحسني عبد ربه واحمد حسن المحلة وموبوتو وعبد الكريم النفطي (علي اساس الاهلي عندو 100 مكان في قايمتو)

5-اي مشكلة لو صغيرة هتكبر الفترة الجاية وهتبقي ازمة كبيرة وكلام كلو فبركة

اقسم بالله دة المخطط الي هيقضو بيه علي الزمالك السنة دي وهيخلو الدوري للاهلي قبل نهايتو ب25اسبوع
وجمهور الزمالك هيساعدعم وهيصدق وهيشوف كل الدنيا سودا
صحيح الدنيا مش بمبي بس مش عشانمطش نعمل كل دة ونشوف الدنيا سودا
مع ان ناقص25اسبوع والاهلي مش في حالتو السنة دي

يا جماهير الزمالك ساندو الزمالك وكل مباراة عيوتكو في الاستاد نشجع الزمالك
وهنقول لاي حد لا الزمالك منافس قوي علي بطولة الدوري ولسا ناقص25اسبوع وباذن الله
الدوري لينا بمساندة جمهورنا بس لكن عيوين نشوف الدنيا سودا ونهدي للاهلي الدوري بادينا الدوري قبل 25اسبوع ونستسلم للتشائم بجد هنبقي حققنا رغبتهم

الزمالك بقالو 4سنين علي الحال دة يخسرمن الاهلي الجمهور يبتعد فترة الزمالك يبدء ينزف نقاط

الجمهور عقبال ما يرجع للفريق تاني يكون خلاص الاهلي حسم الدوري

الزمالك محتاجكم يا جمهور الزمالك والله العظيم محتاجكم في كل مباراة
ولسا كتير اوي والله مش عيزين نهدي الدوري للاهلي بايدينا احنا
للعلم \اكبر حضور جماهيري السنة دي لجمهور الزمالك
اتحاد الكورة مرعوب من جمهور الزمالك لما بدء يرجع للملاعب تاني ويساند بكل قوة
اغلب المتحيزين اترعبو من جمهور الزمالك وانتفاضتو ضد شوبير واتحاد الكورة
بس بدء من تاني يوجهو لينا سهام الاحباط والسواد والتشائم لانهم عارفين ان جمهور الزمالك
هيبعد فترة عن الزمالك وهي الفترة دي

يا رب اكون رسالتي وصلت احنا استحملنا كتير اوووووووووووي وهنفضل ورا الزمالك في كل ملعب واستاد لغاية ما نرجع الزماتلك تاني لعهدو وبطولاتو

كلمة اخيرة \الي هيرجع الزمالك لمجدو جمهورو

من طرف **hamada_campos** الأربعاء سبتمبر 26, 2007 5:12 pm

[size=29][/sمبروك يا احمد الفارق بقى خمسةize]

من طرف hamada6142 الأربعاء سبتمبر 26, 2007 5:37 pm

معلش يازمالك
دورى يفوت ولا حد يموت

هام لكل زملكاوى

هام لكل زملكاوى

رد: هام لكل زملكاوى

رد: هام لكل زملكاوى